И. Абдраимов атындагы Кыргыз авиациялык институтунун студенттери «Инженериялык илимдер боюнча Кышкы университет» эл аралык долбооруна «Жасалма интеллект жана санариптик технологиялар» багыты боюнча катышууда.

Окуу процесси Санкт-Петербург Политехникалык университетинде жана С.П.Королёв атындагы Самара университетинде уюштурулган.

Быйыл «Кышкы университетке» 15 мамлекеттен келген 600дөн ашуун жаш инженерлер катышууда. Долбоор Санкт-Петербург, Новгород жана Самара шаарларында өтүүдө.

7-декабрга чейин катышуучулар үч багыт боюнча билим алып, теорияны практика менен айкалыштырып, адистердин жетекчилиги алдында реалдуу өндүрүштүк тапшырмаларды аткарышат.

КАИ студенттеринин бул долбоорго катышуусу институттун эл аралык кызматташууну өнүктүрүүгө, инженердик билим берүүнүн сапатын жогорулатууга жана заманбап технологиялар менен иштей алган адистерди даярдоого болгон умтулуусун далилдейт.