И. Абдраимов атындагы Кыргыз авиация институтунун Окумуштуулар кеңеши университеттин ишине жалпы жетекчиликти жүзөгө ашыруучу жогорку шайланган өкүлчүлүктүү орган болуп саналат.
Окумуштуулар кеңеши жөнүндөгү жобо
Окумуштуулар кеңешинин максаты
- 1иштин учурдагы жана келечектеги багыттарын аныктоо;
- 2адистерди даярдоодо жетекчиликтин, илимий-педагогикалык кадрлардын жана окуу-көмөкчү персоналдын күч-аракеттерин бириктирүү;
- 3окуу, окуу-методикалык, илимий-изилдөө жана тарбиялоо иштерин координациялоо.
Окумуштуулар кеңешинин ыйгарым укуктары
- 1Уставга өзгөртүүлөрдү жана толуктоолорду карайт;
- 2өнүктүрүүнүн стратегиясын жана концепциясын аныктайт;
- 3ички тартиптик жана башка жергиликтүү актыларды карайт;
- 4уюштуруу түзүмүн өзгөртүү маселелерин чечет; түзүмдүк бөлүмдүн кеңешин түзүүнүн жана иштетүүнүн тартибин, курамын жана ыйгарым укуктарын бекитет;
- 5директорду шайлоонун мөөнөттөрүн жана тартибин, директорлук кызматка талапкерлерди көрсөтүү тартибин жана талаптарды аныктайт;
- 6профессордук-окутуучулук курамдын, кафедра башчыларынын жана башка окуу жана илимий бөлүмдөрдүн жетекчилеринин кызматтары үчүн конкурстук шайлоолорду өткөрүү боюнча отчетторду карайт жана угат;
- 7директордун орун басарларынын жана кафедра башчыларынын кызмат мөөнөтүн узартуу боюнча директорго сунуш киргизүү тууралуу чечим кабыл алат;
- 8илимий-педагогикалык кадрларды мамлекеттик сыйлыктарга көрсөтүү жана наамдарды ыйгаруу маселелерин карайт;
- 9студенттерге жана аспиранттарга Кыргыз Республикасынын Президенти тарабынан берилген стипендияларды жана мамлекеттик стипендияларды дайындоо боюнча чечимдерди кабыл алат;
- 10колдонуп жаткан мамлекеттик билим берүү стандарттарына ылайык квалификациялык мүнөздөмөлөрдү, жумушчу окуу пландарын жана окуу процессинин графиктерин, тандалма дисциплиналардын тизмесин бекитет; окуу дисциплиналарынын программаларын, аспиранттар, докторанттар жана талапкерлер үчүн жеке окуу пландарын бекитүү тартибин жана мастерлердин жеке даярдоо пландарын жана алардын аткарылышын көзөмөлдөө тартибин аныктайт;
- 11окуу процессин уюштуруу жана оптималдаштыруу, окууда эффективдүү жана инновациялык технологияларды киргизүү маселелерин карайт;
- 12студенттердин окуудагы жетишкендиктерин көзөмөлдөө жана аралык аттестацияны өткөрүү тууралуу жоболорду бекитет;
- 13лицензиялоого сунушталган негизги жана кошумча кесиптик билим берүү программалары боюнча окутууну уюштуруу мүмкүнчүлүктөрүн карайт;
- 14ишмердүүлүктү комплекстүү баалоого, билим берүү программаларынын лицензиясына жана аккредитациясына даярдык көрүүнү жана билим берүү ишинин лицензияга жана Уставга ылайыктыгын көзөмөлдөөнү жүзөгө ашырат;
- 15жыл сайын абитуриенттерди кабыл алуу эрежелерин бекитет жана кабыл алуу комиссиясынын ишинин отчётун жыл сайын карайт;
- 16тематикалык пландарды түзүү жана илимий-изилдөө отчеттору боюнча жоболорду бекитет;
- 17илимий жана окуу бөлүмдөрүнүн ишинин натыйжалуулугун баалап, алардын өнүгүшүнүн максатка ылайыктуулугу боюнча чечимдерди чыгарат;
- 18илимий-педагогикалык кызматкерлердин, аспиранттардын, докторанттардын жана илимий даражага талапкерлердин иштерин карап, диссертацияларды коргоо боюнча адистештирилген кеңештерге сунуштарды берет;
- 19окуу, илимий жана чарбалык ишти уюштуруунун негизги маселелери боюнча жылдык отчетторду угат;
- 20илимий-изилдөөлөрдүн жана практикалык иштердин негизги багыттарын жана финансылык-эмгек ресурстарынын бөлүнүшүн аныктайт;
- 21мүлктү жана жер участокторун ижарага берүүгө макулдук берет;
- 22Камкорчулар кеңешин жана башка кеңештерди түзүүнүн жана иштетүүнүн тартибин, алардын курамын жана ыйгарым укуктарын бекитет;
- 23окуу китептерин, окуу куралдарын жана монографияларды даярдоо жана басып чыгаруу иштерин карайт;
- 24окуу планын бекитет;
- 25символиканы (реквизиттерди) бекитет;
- 26Авиаинституттун ишине тиешелүү башка маселелерди карайт.
Кеңештин курамы
Окумуштуулар кеңешинин курамына директор (төмөндө анын төрагасы катары көрсөтүлгөн), директордун орун басарлары жана Авиаинституттун түзүмдүк бөлүмдөрүнүн жетекчилери кирет.