И. Абдраимов атындагы Кыргыз авиациялык институту менен Академик М. Ф. Решетнёв атындагы Сибирь мамлекеттик илим жана технологиялар университети ортосундагы кызматташтык тууралуу меморандумдун алкагында экинчи курстун студенттери академиялык алмашуу программасы боюнча билим алышууда.

2026-жылдын 25-апрелинен 9-майына чейин институттун алты студенти Красноярск шаарында (Россия Федерациясы) болуп, кабыл алуучу университеттин базасында окууга киришишти. Программанын алкагында алар билим берүү процесси менен таанышып, окуу сабактарына катышып, жаңы кесиптик билимдерди жана практикалык көндүмдөрдү өздөштүрүүдө.

Студенттерди Жарандык авиация факультетинин тарбия иштери боюнча декандын орун басары Акмарал Керимбаевна Абдырахманова коштоп барды.