22-мартта И.Абдраимоватындагы Кыргыз авиациялык институтунун жамааты жана студенттери шаарды көрктөндүрүү иштерине өз салымын кошуп, ишембиликке активдүү катышты.
Ишембиликке катышкандар Т.Фрунзе, Лущихина, Кузбасская, Черноморская көчөлөрүндө көчөлөрдү жана ирригациялык системаларды санитардык тазалоо иштерин жүргүзүштү.
Ошондой эле институттун аймагын кылдат тазалоо иштери жүргүзүлдү.
Ишембиликке катышуу институттун жамаатынын жана студенттеринин активдүү жарандык позициясын көрсөтүп турат.
Белгилей кетсек, үстүбүздөгү жылдын 15-мартынан 17-майына чейин борбор калаада шаарды көрктөндүрүү, санитардык тазалоо жана жашылдандыруу боюнча эки айлык ишембилик өтүүдө.
