Белгиленген милдеттерди ишке ашыруунун алкагында, авиациялык адистерди даярдоону, кайра даярдоону жана квалификациясын жогорулатууну жаңы сапаттуу жана инновациялык деңгээлде жүргүзүү үчүн И.Абдраимов атындагы Кыргыз авиациялык институту адистештирилген авиациялык дисциплиналар боюнча авиациялык лабораториялык жабдууларды сатып алууда.

Бүгүнкү күндө жалпы наркы ~5 млн сомдук лабораториялык жабдуулар келип түштү:

1. Иштеп жаткан "Ички күйүүчү ROTAX-912 авиациялык кыймылдаткычы" окуу макети. Поршендик кыймылдаткычтын тренажер стенди;
2. "Boeing-NG учактары үчүн техникалык эксплуатация жана ыкчам техникалык тейлөө" окуу комплекси. Инженердик-техникалык персоналды теориялык даярдоо үчүн компьютердик окутуу системасы (CBT – Computer Based Training);
3. "Чакан габариттүү аэродинамикалык түтүк" стенди.

Келиши күтүлүүдө:

1. Окуу гироскобу;
2. Аба кемесинин музга каршы системасынын стенди;
3. Гидравликалык системанын стенд-тренажеру;
4. Аба кемесинин учуу симуляторунун окуу версиясы.