2025-жылдын 12-августунда Кыргыз Республикасынын илим жана билим берүү министри Бактияр Орозов И.Абдраимов атындагы Кыргыз авиациялык институтуна жумушчу сапары менен келди.

Сапардын алкагында министр институттун инфраструктурасы, билим берүү процесси жана илимий багыттары менен таанышты. Авиация тармагы үчүн квалификациялуу кадрларды даярдоо, окуу базасын модернизациялоо жана билим берүү процессине инновациялык технологияларды киргизүү маселелерине өзгөчө көңүл бурулду.

Бактияр Орозов авиация тармагынын адистерин даярдоонун маанилүүлүгүн белгилеп, эл аралык стандарттарга жооп берген инженердик жана техникалык багыттарды мындан ары өнүктүрүүнүн маанилүүлүгүн баса белгиледи.