Бишкек шаардык ички иштер башкы башкармалыгы И.Абдраимов атындагы Кыргыз авиациялык институтунун жетекчилигине жана жамаатына укук коргоо органдарынын кызматкерлеринин кесиптик көндүмдөрүн өнүктүрүүгө кошкон олуттуу салымы үчүн ыраазычылык билдирди.

Бишкек ШИИБдин расмий билдирүүсүндө, учкучсуз учуучу аппараттар менен иштөө боюнча адистерди даярдоонун жогорку деңгээли белгиленди. Институт тарабынан өткөрүлгөн окутуу ички иштер органдарынын кызматкерлерине кызматтык ишмердүүлүктө заманбап технологияларды колдонуу натыйжалуулугун олуттуу жогорулатууга көмөк көрсөттү.