И.Абдраимов атындагы Кыргыз авиациялык институту жана В.П. Чкалов атындагы Егорьевск авиациялык техникалык колледжи ортосундагы кызматташуу жөнүндө макулдашуу алкагында 2025-жылдын 1-апрелинен 30-апрелине чейин академиялык алмашуу программасы өтөт. Анда кесиптик орто билим берүү бөлүмүнүн студенттери катышат.

Алмашуу программасы эл аралык байланыштарды чыңдоодо жана эки өлкөнүн окуу жайларынын ортосундагы авиациялык билим берүү чөйрөсүндөгү кызматташтыкты өнүктүрүүдө маанилүү ролду ойнойт. Ошондой эле, студенттерге авиациянын техникалык аспектилерин үйрөнүүгө уникалдуу мүмкүнчүлүк берет, бул алардын билимин тереңдетүүгө жана баалуу практикалык тажрыйба алууга өбөлгө түзөт.