Жаштардын автордук долбоорлорунун сынагы Авиация институтунун улуу курс студенттери арасында

cover image

Кыргыз Республикасынын жарандык авиациясы боюнча мамлекеттик агенттиги Кыргыз Республикасынын жарандык авиациясын өнүктүрүү максатында, Фрунзе-1 аэропортуна байланыштуу төмөнкү темалар боюнча Авиация институтунун улуу курс студенттери арасында жаштардын автордук долбоорлорунун сынагын жарыялайт:

  1. «Кыргызстандын жарандык авиациясын өнүктүрүү стратегиясы»;

  2. «Мен кандайча Кыргызстандын жарандык авиациясынын келечегин көрөм»;

  3. «Учуу коопсуздугу»;

  4. «Авиациялык коопсуздук»;

  5. «Кыргыз Республикасындагы чакан авиациянын өнүгүшү»;

  6. «Чет өлкөлөрдөгү аба кемелеринин техникалык эксплуатациясы»;

Сынакка катышуу үчүн катышуучулар бир нече долбоорду же бир долбоорду сунушташы мүмкүн.

Сынакта ар кандай форматтагы материалдар (тексттик же графикалык иштер – сүрөттөр ж.б.) сунушталат, долбоорду презентация түрүндө даярдоо керек (презентация долбоордун мазмунун чагылдыруусу керек, эң көтөрүңкү 15 слайд).

Катышуу үчүн арыздар 2023-жылдын 10-апрелине чейин кабыл алынат.

Долбоорлорду коргоо 2023-жылдын 25-28-апрель күндөрү болот.

Эң көп балл алган иштердин авторлору, баалоо жыйынтыгына ылайык, Кыргыз Республикасынын жарандык авиациясы мамлекеттик агенттигине, Кыргыз авиациялык институтуна жана авиакомпанияларга ишке орношууга сунушталат.