ЕАЭБ алкагында санариптик трансформациянын келечеги тууралуу тегерек стол болуп өттү

• 11 Июн 2024
• 2991
• 0

7-июнда И.Абдраимов атындагы Кыргыз авиациялык институтунда: «ЕАЭБ алкагындагы санариптик трансформация: жаш муун үчүн мүмкүнчүлүктөр жана чакырыктар» аталган темада тегерек стол болуп өттү.

 

Иш-чара Евразия экономикалык биримдигинин (ЕАЭБ) алкагында санариптик трансформациянын негизги аспектилерин талкуулоого арналды. Катышуучулар ЕАЭБге мүчө өлкөлөрдүн экономикасынын натыйжалуулугун жана атаандаштыкка жөндөмдүүлүгүн жогорулатуу үчүн санариптик технологияларды колдонууга байланышкан бир катар маанилүү маселелерди карашты. Аймакты санариптик трансформациялоодо жаш муундун ролуна өзгөчө көңүл бурулду. Иш-чаранын жүрүшүндө тема боюнча бир катар баяндамалар берилип, катышуучулар менен панелдик талкуу өткөрүлдү.