Балдарды коргоонун эл аралык күнүнө карата: КАИ студенттери балдар үйүнө белектерди тартуулады

• 31 Май 2024
• 2881
• 0

Балдарды коргоонун эл аралык күнүнө карата И.Абдраимов атындагы Кыргыз авиациялык институтунун окутуучулары жана студенттери Чүй облусунун Сокулук районундагы, Маловодное айылындагы мүмкүнчүлүгү чектелген балдардын реабилитациялык борборуна барышты. Студенттер реабилитациялык борборго самын жуучу жана дезинфекциялоочу каражаттар, памперс, жеке гигиеналык каражаттар, мөмө-жемиштер жана таттуулар менен жардам көрсөтүштү. Өз кезегинде Реабилитациялык борбордун администрациясы жана педагогикалык жамааты мугалимдерге жана студенттерге көрсөткөн колдоосу жана балдарга майрамдык маанай тартуулаганы үчүн ыраазычылык билдиришти.