Эл аралык мүмкүнчүлүгү чектелген адамдардын күнүнүн алкагында КАИнин кызматкерлери жана студенттери мүмкүнчүлүгү чектелген балдарга кайрымдуулук жардамын көрсөтүштү

• 29 Ноя 2024
• 383
• 0

2024-жылдын 29-ноябрында КАИнин кызматкерлери жана студенттери Маловодное айылындагы мүмкүнчүлүгү чектелген балдар үчүн Сокулук балдар реабилитациялык борборуна барышты. Борбордун тарбиялануучуларына азык-түлүк, кийим-кече, оюнчуктар, таттуулар түрүндө материалдык жардам көрсөтүлүп, студенттер тарабынан даярдалган ыр-бий менен коштолгон чакан концерттик программа тартууланды.

 

Маалымат үчүн: 1992-жылдан бери БУУнун демилгеси менен жыл сайын 3-декабрда дүйнө жүзү боюнча Эл аралык мүмкүнчүлүгү чектелген адамдардын күнү катары белгиленип келет. Бул күндү белгилөөнүн максаты – мүмкүнчүлүгү чектелген адамдарды социалдык интеграциялоо боюнча маанилүү маселелерге колдоо көрсөтүү, алар туш болгон көйгөйлөр тууралуу маалымдуулукту жогорулатуу жана ар бир адам үчүн ачык жана жеткиликтүү коомдун артыкчылыктарына көңүл буруу.